Bilzy Guide · Hindi
Dawai ki Dukan ka Hisab Kaise Rakhe — Batch, Expiry, Udhaar, GST (2026)
Dawai ki dukan ka hisab teen jagah bigadta hai: stock (kaunsa batch kab expire ho raha hai), udhaar (kisne kitna diya, kab), aur profit (discount aur GST ke baad asli kya bacha). Ye guide batata hai roz ka hisab kaise rakhein — register me bhi aur Bilzy Pharmacy app me, jahan ye sab bill banate hi khud ho jata hai.
Subah: distributor ka bill stock me
Purchase bill ek baar type karo — har line batch, expiry, MRP aur rate ke saath stock ban jaye. Scheme (10+1), free goods aur trade discount cost me shamil hona chahiye, warna profit galat dikhega.
- 1Supplier ka naam aur bill number
- 2Har line: medicine, batch, expiry, quantity, free, rate, discount, GST
- 3Bill ka total supplier ke bill se match karo — phir save
- 4Supplier ka udhaar khud ban jata hai; jab pay karo, bill-wise pay karo
Counter: bill me batch aur expiry
Har bill line par batch aur expiry likha hona chahiye — recall aaye to pata chale kisko kaunsa batch gaya. Sabse pehle expire hone wala batch pehle bechna (FEFO). Loose tablet per tablet ke price par.
Udhaar: bill-wise, account-wise nahi
"Ramesh ka ₹500 baki" kaafi nahi — kaunse bill ka baki, kab diya, kitna diya. Collection bill ke against likho; statement me har entry aur running balance dikhna chahiye. Bilzy me Parties screen par har customer/supplier ka statement, bill-wise collect, aur Excel/PDF export ek jagah hai.
Shaam: aaj ka sale, profit aur cash
Profit = bill ka taxable amount (GST nikaal ke, discount ke baad) − cost. Jis medicine ka cost pata nahi, use zero mat maano — alag rakho. Loyalty points aur discount dukan ka kharcha hain, customer ka nahi.
- 1Aaj ka sale, cash/UPI/udhaar ka breakup
- 2Sale-wise aur din-wise profit
- 3Is mahine expire hone wala maal — shelf se hatao ya supplier ko wapas
Mahine ke end: GST aur accountant
GSTR-1 aur GSTR-3B ki file offline tool ke liye; HSN summary. Accountant Tally me kaam karta hai to voucher XML export. Return ka figure bill se paise-paise match hona chahiye — jo software scale karke nahi banata, wo notice dilwata hai.
Register vs app
Register me ye sab ho sakta hai, lekin har cheez do baar likhni padti hai aur expiry koi nahi dekhta. Bilzy Pharmacy me purchase bill ek baar type karo — stock, batch, expiry, udhaar, profit, H1 register, GST sab usi se banta hai. ₹699 saal ka, Windows PC / Android / browser, offline chalta hai, 7 din free. bilzy.in/pharmacy-billing-software
Bilzy free me download karo
Billing + khata + stock + GST — Android aur Windows dono par.
Aksar pooche jaane wale sawaal
Medical store ka profit kaise nikale?▾
Bill ka taxable amount (GST alag karke, discount ke baad) minus us batch ka cost. Free goods ka cost bhi ginna hai, revenue nahi. Bilzy Pharmacy sale-wise aur din-wise profit isi rule se dikhata hai.
Expiry ka hisab kaise rakhe?▾
Stock batch-wise rakho, har batch ki expiry ke saath. Har mahine short-expiry report nikalo aur bill me pehle wahi batch becho jo pehle expire ho raha hai (FEFO).
Udhaar ka hisab kaise rakhe?▾
Bill-wise. Har collection kisi bill ke against likho, taki statement me pata chale kaunsa bill baki hai. App me customer ka statement PDF/Excel me nikal jata hai.
Kya ye sab free app me ho jata hai?▾
Bilzy Pharmacy 7 din poora free hai; uske baad ₹699 saal ka (counter PC) ya ₹499 sirf phone. Sab feature har plan me hain.